D’Haascht :

An der Haascht ginn d’Hame, de fette Speck, de moore Speck, d’Kënnbäck an de Kasseler gereechert.

Heifier ginn extra reng Spéin vum Bichenholz geholl (wéi am Reetz).

Dëst gët da ganz lues om Buedem vun der Haascht a Form vun engem Sickerbrand verdämpe gelooss.

D’Hamen, zum Beispill, hänke véier bis sechs Wochen an der Hascht.

Ganz wichteg ass et dass d’Haascht permanent gudd belëfft ass.

Da gëtt alles gudd gereechert an och richteg gudd dréchen.

D’Hamen hunn bei eis vill Plaz an eng gudd Kalitéit ass garantéiert.

D’Temperatur an der Haascht ass (wéi am Reetz) nie méi héich ewéi 25 Graad.

Mindestens 10 Méint nodeems se gereechert gouf muss d’Ham nach am Killraum bei enger Temperatur vun 9 bis 10 Grad hänken.

D’Loftfiichtegkeet läit konstant bei 85%.

Eng gudd an duerchlëften Haascht ass wichtég fir dass bei iech eng richteg éislécker Ham op den Dësch kënnt.


© DANI KNEIP